Jordan Centre hi ruihhlo vanga harsatna tawkte chhanchhuahna tur leh eizawnna tlak thiamna an neih theihna tura an inzirna hmun tur a ni a, he centre-a tun a kalpui mek zirtirna pathum, Automobile, ICT leh Electronics te bak ah hian Agriculture, Horticulture, Veterinary leh Sericulture lam zirna hawn tum a ni tih Dr. Beichhua hian a sawi a. March leh April thla chhungin building awmsa thawm\hat ngaite thawm\hat hna chak tak a thawh tum a nih thu leh May thla chhung ngeia Centre hmun engemawzat chu luah theih hman beisei a nih thu a sawi.
Ruahmanna ang a Jordan Centre hi peihfel a nih hun ah chuan India hmarchhak state dangte tan pawha hman \angkai tham a nih tur thu leh mi sangkhat chuang enkawl theihna a nih tur thu Dr. Beichhua hian a sawi bawk. Jordan centre hi tuna ram luah chin leh zauh belhna tur nen, Hectare 7 vela zau tur a ni.
Social Rehabilitation Board Vice Chairman Pu K Liantlinga leh member dangte bakah Social Welfare Dept Director Pi Ankita Chakravarty, Women and Child Development Director Pi Vanlalpianpuii ten Dr K Beichhua hi an \awiawm a ni.
