Zonet zawhna chhangin Pu Manuna chuan Manipur leh Tripura a Bus tlantir an tum chungchangah Mizoram sorkar chu a inpeih tawh tih a sawi a, Bus tlantir tur pawh a thar peihfel a ni tawh a, Manipur a Churachanpur District-ah pawh Bus counter leh thawktute riahna tur tihfel vek tawh a ni a ti a, Tripura Zampui lamah pawh tihfel ngai te chu an tifel tawh tih a sawi.
Mizoram sorkar inpeih tawh mahse State pahnih sorkar atangin tlan phalna an la hmu thei rih lo tih Pu Manuna chuan a sawi a, state pahnih sorkar hotute hi dawr chhunzawm zel an ni a ti. Pu Manuna chuan thla thar ni 12 a Manipur-a Zofa kutpui neih hma ngeia Bus hi tlantir tumin hma an la tih a sawi a, Myanmar lama tlantir an tum erawh chu thil tihfel ngai ala tam deuh a hun tur a la sawi theih loh thu a sawi.
