Mizoram State Agriculture, Horticulture and Marketing Cooperative Federation Ltd. MAHFED in vawiin khan Seling leh a chhehvel khaw hrang hranga kuthnathawktu leh Society member te pualin awmze neia hmasawnna kawng zawh theih dan tur zir hona a buatsaih.

MAHFED Chairman Pu Vanlalruata kaihhruai zir hona, Seling YMA Run-a neih hi Assembly Dy. Speaker Pu Lalrinawma leh Aizawl West III Bialtu MLA Pu Zaithanzama ten an hmanpui a, MAHFED Managing Director Pi Zothannguri hoin Cooperative Society member te leh kuthnathawktu kalkhawmten thupui thlanchhuahte an zirho a ni.