Mizoram State AIDS Control Society, AIDS Healthcare Foundation leh ZONET \anghovin naktuka World AIDS Day lo thleng tur pualin vawiin chawhnu khan Millennium Centre chung zawlah free concert leh HIV testing drive an buatsaih a, mi engemawzatin an dinhmun hre turin an thisen an enfiah tir.

Hemi hmalama Hotel Floria-a thuthar thehdarhtute an an kawmnaah
AHF Director, Dr. V. Sam Prasad chuan, HIV hrik a len dan tehnaah India ram pumpui chawhrual chu zaa 0.22 a nih laiin Mizoram chu zaa 2.4 a nih thu a sawi a, Mizorama HIV/Aids vei awm zat chu ram puma he natna vei awm zat let 10 velin a tam zawk niin a sawi.

An pawl hmalakna dan chungchang sawiin Dr. V. Sam Prasad chuan, mipuite’n HIV an kai leh kai loh test-na kalpui leh HIV venna atana condom sem chu an hmalakna pui berte a nih thu a sawi a, mipui nawlpuite thisen endik a nih theih nan hma an lak tih sawiin an hmalakna hi Mizoramah pawh bul \an tum a ni a, tlawmngai pawl thawhpui tur an zawng mek a, hmanraw changkang tak hmangin awlsam takin HIV a test theih thu a sawi a ni.

Dr. Sam Prasad chuan, Mizoram mipuite chu HIV hrik paite en hrang lo tur leh HIV veite rei tak an la dam thei tih te, mipui zingah nuam taka an awm zel theih nan en hran loh an ngai niin a sawi bawk.