BJP hian Tuikuk-te chungchang buaina hi Congress leh MNF kaihhruai Sorkar-in hunrei tak an buaipui tawh leh chinfel ngaihna an hriat loh, Mizo mipuite pawhin beiseina an nei tawh lo hial nia a lan laia, tunhnaia Union Home Minister hova New Delhi-a CAB chungchang inrawn khawmnaa Mizoram aiawhte hnena Pu Amit Shah-a’n Bru raltlante chungchangah Mizoram mipuite duh dana Tripura-a an awm hlenna tura ruahman a nih thu a lo hrilh leh Tuikuk-te pawm tura Tripura Sorkar ahmin thei chu fakawm an tih thu an sawi. Mizoram BJP chuan, Tuikuk-te chungchanga Sorkar laipui, Tripura Sorkar, Mizoram Sorkar leh Bru aiawh-ten lungrual taka inremna thuthlung an ziak thei chu ta chu lawmawm an tih thu leh hetiang a thlen theih nana NGO Co-ordination Committee hmalakna chu fakawm an tih thu an sawi a, a bikin Central YMA hruaituten he buaina chingfel tura theihtawp an chhuah chu Union Home Minister pawh hian a ngaipawimawh hle nia an hriat thu an sawi.
