An inkawmnaah hian BJP President, Pu Hmuaka chuan, Prime Minister Pu Narendra Modi-a kaihhruai Sorkar laipuiin mirethei zawkte tana ham\hatna tur hrang hrang a duan a bikin, PM Kisan, Free Gas Connection leh Housing for All te Mizoramah nasa tak a hmansualna a awm nia a lan thu a sawi a. Heng Scheme hrang hrang hi a nihna anga hman ni mai se tih chu an duh dan a nih thu a thlen a. Sorkar hmasa a\ang tawha heng Scheme hrang hrangahte Sorkar lai Party ta ang maia Party induhsakna a awm \hin chu \ha lo an tih thu a sawi. Pu Hmuaka chuan, PM Scheme te chu Party sawi lovin, a dawng tura Scheme in a huam a tam thei ang berin dawng se tih chu BJP Mizoram duhdan a ni tih larsap hi a hrilh a, Mizorama hmasawnna ruhrel lian thawh mek a bikin Kawng laih hrang hrang chu a hlawm a len lutuk avanga Mizorama Contractor tam zawkin an chhang ve thei lo \hin chu a \ha lova, heng hnate hi Contractor tam zawkin an thawh ve theih nan Contract Ammount titlem tura hmalak ni se \ha an tih thu a thlen bawk. Heng a thil thlen hrang hrang hi Larsap, Pu PS Sreedharan Pillai chuan theihtawp chhuaha a bawhzui tur thu leh a hlawhtlin ngei theih nan hma a lak tur thu Pu Vanlalhmuaka chu a lo hrilh a ni.
BJP Mizoram State President Pu Vanlalhmuaka hian Larsap, Pu PS Sreedharan Pillai hnenah hian Memorandum a theh lut nghal a, chutah chuan Mizorama Regional AIMS dah tur te, Lengpui Airport chu International Airport anga tichangtlung tur te, Kawlphetha Megawatt 700 pechhuak thei tur Kaladan Hydro Power Project tipuitling tur te, Silchar leh Aizawl inkar kawngpui chu 4 lane-a siam tur te, Mizoram chhimlam Lawngtlai a\anga Bangladesh khawpui Dhaka pawh tur kawngpui siam tur te, Indo – Bangladesh Border Fencing siam zo vat tura hmala tur te, Mizoram-ah Engineering College tam zawk din tur te, Mizoram chhim lama Airport siam tur leh Zochachhuah-a International Trade Center din tura hmalakpui tur tein a ngen a ni.
BJP Mizoram State President-in Larsap a hmuhnaah hian an Party hotuten an \awiawm a ni.
