State day hi Sorkarin Pisa chawlh niah a puanga, a lawmna inkhawm lian ber chu naktuk chawhma dar 11-ah Vanapa Hall-ah neih a ni anga, hetah hian Mizoram Larsap Pu Kummanam Rajashekharan chu Khuallian a ni ang a, inkhawm hi Chief Secretary Pu Lalnunmawia Chuaungo-in a kaihruai ang a, inkhawmah hian Civil leh Police Officer Senior zawng zawngte chu kim taka kal tura hriattir an ni.
Tunhma lama Assam State hnuai district 1 ni \hin Mizoram hi kum 1972 January ni 21 khan Union Territory-ah hlankai a nia, hemi hnu, kum 1986-a Sorkar laipui leh MNF inremna thuthlung siam angin Mizoram State puitlinga hlankaina turin Constitution siam\hat a nia, Kha kha Constitution siam\hat \um 53-na a nia, tihfel ngaite tihfel a nih hnu, kum 1987, February ni 20 khan Mizoram chu State puitlingah hlankai a nia, khatihlaia Prime Minister, Pu Rajiv Gandhi-an Lammuala inkhawmah Mizoram State thar chu a hawnga, India rama State 23-na a ni taa, khami ni vek khan Pu Rajiv Gandhi chuan Arunachal Pradesh State a hawnga, Arunachal chu India rama State 24-na a ni ta a ni.
Sorkar hmasa hunlai kha chuan state day hi sorkar buatsaiha lawm a ni ngai lo a, Chief Minister Pu Zoramthanga kaihhruai MNF sorkar chuan he ni hi uar taka lawm tumin ruahmanna a siam a ni.
