Mizoram State Tobacco Control Society-in damlo 59 zir chiang

0
298
views

Mizoram pawn lama enkawl tura tirh, natna khirh vei damlote leh vaihlo hman avanga natna chi hrang hrang veite chungchang chu Mizoram State Tobacco Control Society-in a zir chiang mek a, kumin April ni 26 atanga August ni 16 thleng khan damlo 59 te nat dan zawt fiahin an chanchin an zir chiang tawh a, natna hrang hrang vanga Mizoram pawna inenkawl tura thawn zinga za zela 80 chu zuk leh hmuam tih ching an ni tih finfiah a ni a, heng zinga za zela 25.42 chu cancer an ni a, cancer vei zinga za zela 80 chu zuk leh hmuam tih ching an ni a, cancer vei zingah hian zuk leh hmuam ti lo an awm bawk a, amaherawhchu, an chenpui an chhungte zingah mei zu an awm tho a ni tih finfiah a ni. Mizoram State Tobacco Control Society chuan damlo, Mizoram pawna enkawl tura thawn chhuah zinga natna tam ber chu cancer, kal na leh lung na niin a sawi a, hetiang natna hi an pumpelh theih nan zuk leh hmuam laka fihlim tum turin mipuite a ngen a ni.