Mizoram Tipper Association General Headquarters in State pawn lam mi, hnam dang driver ten zalen takin Mizoram chhungah bungrua an zuar kual thin niin an sawi.

0
76
views

MTA hian, state pawn atanga rawn kal hnam dang driver ten tun hnai khan Kolasib veng hrang hrangah leirawhchan an zuar kual lai hmuh a ni tih an sawi a, Kolasib District MTA leh 207 leh Mahindra Pick-up pawl hruaituten bawhzui ngalin Police an hriattir hnuah man an ni an ti a, Police te hian pawisa cheng sang khat chawi tirin an ram lamah an haw tir tih an sawi.

MTA chuan, hri leng laka Mizoram a himna turin state pawn atanga lirthei rawn lutte chu khuaah pawh chawlh phal a nih loh thu leh an thil phurh te an dahna tur hmuna an dah zawhah chawl muang lova an ram lama let leh nghal tura tih an nih thu an sawi a, hnam dangte an duh dan dana an khawsak theih laia Task Group on Transports Chairman hnena Bagha a bungrua phurh rem ti tur leh an rawn haw hunah quarantinne pawh an in huam thu tunthla ni 1 a ngenna an thlen tawh tun thlenga chhanna an la hmu lo chu an hriatthiam loh thu an sawi.

MTA chuan, March thla atangin hnathawk mumal lovin an awm tawh tih an sawi a, sum leh paiah leh thildangah harsatna an tawk nasa tawh hle tih an sawi a, sorkar chu an dinhmun ngaihtuah pui tura an beisei thu leh state pawn lama kal phalna an dil pawh remtih sak turin an ngen tih an sawi.