Mizoram Underground Reruenees Association-te thilphut chu vawiin khan Chief Minister, Pu Lal Thanhawla hovin an sawi hova. Chief Minister nen an inbiaknaah hian an duh ang thu an dawn loh avangin chaw an nghei chhunzawm leh tih an pawl hruaituten hetiang hian Zonet an hrilh.
Puan tawh angin MURA member-te hian an thilphut tihhlawhtlin nawr nan tun thla ni 6 a\ang khan ni 10 chhung chaw an lo nghei tawh a. Kar kalta thawhlehni khan MPCC hruaituten tlawhin chaw an nghei lai chu titawp turin an ngen a, an inbiaknaah hian MPCC hruaitute chuan MURA-te thilphut chu tihhlawhtlin an tiam theih loh avangin inremna an siam thei lova, zirtawpni khan Chief Minister Adviser, Pu KVL Siamkima hovin MPCC hruaituten an tlawh leh a, Chief Miniser hova an inbiak an remtih avangin an chawnghei chu an titawp lai lawk a, vawiina Chief Minister hova an inbiaknaah an duh ang chhanna an hmuh tak loh avangin chaw hi an ngei chhunzawm leh ta a ni.
