Mizoram University Southern Campus, Lunglei-a din turah kumin 2020-21 chhungin, zirna \an hman tum a ni tih Higher and Technical changtu minister Dr R Lalthangliana’n a sawi a, campus hmun tur peihfel a nih hma pawhin Engineering College tura sak building awmsa te luah theih beisei a ni a ti.

Assembly rorel inkhawmah Pu Zothantluanga zawhna chhangin Dr R Lalthangliana hian Campus hmun tur hian Pukpuiin ram an pek theih beisei a nih thu te, ram pek tur hi ram ruak, tumahin zangnadawmna an phut lohna tur a nih a \ul thu te a sawi a, a hmun nghet tur tihfel anih hma pawhin Engineering college hmun tura sak chu luah lailawk tum a ni a, a panna kawng siam a la ngai, tui leh electrict te pek luh a la ngai bawk a, hemi atana sum mammawhte sorkarin a bawhzui mek tih a sawi.