Vawiina MNF Party office Hnam Run inkhawmah Dr. Vanlal\anpuia chuan, MYC chu kum 2008 a MNF sorkarin a din ni mahse hma la hman lovin inthlanah MNF chu a tla zui ta tih a sawi a, Congress sorkar lo piangin kum 10 chhungin ruahmanna mumal nei lovin a kalpui nia sawiin, a nih tur ang a ni pha ta lo a ni a ti.
Dr. |pa chuan, MYC chu a hringtu ngei kutah a awm leh ta a ni a ti a, Rules siamin Road Map leh Frame work pawh an siam nghal tih a sawi a, kumina an hmalakna tur pawh chiang takin an ziak lang nghal tih a sawi.
Dr |pa chuan, Mizo zingah kum 2014 a IAS tling bak tun thlengin inziak tling thar an la awm leh lo chu an vei hle tih a sawi a, Mizo thalai tam zawk IAS a an tlin theih nan IAS Academy \haah MYC chuan Mizo thalaite thawn a tum tih a sawi a, Skill Development lamah pawh nasa taka hmalak an tum thu sawiin awlsam zawka hnathawh tur leh thawktu tur zawnna MYC Job Portal siam turin hma an la mek tih a sawi.
Dr |pa hian, tunhnai khan SEDP sum hmangin incentive cash award cheng nuai 70 an sem chhuak tih a sawi a, tun thla ni 7-a UNDP hmunpui Asia Pacific Youth Exchange, Bangkok-a neihah MYC tirhin Mizo thalai engemawzat an tel thu leh APYE hi Mizoramin a thlen ve theihna tura hmalak mek a nih thu a sawi.
