Mizoram Youth Commission buatsaih MYC Youth Summit leh Road Show Pu Hmingdailova Khiangte MLA-in nimin khan Kolasib-a Taitesena Hall-ah a hawng. Pu Hmingdailova Khiangte chuan \halaite chu zirna bakah kawng hrang hranga ngaihtuahna senga hnathawh tur zawng siam turin a fuih a, Mizoram Youth Commission chuan a mamawhte tan kawng a kawhhmuh thei tih a hrilh bawk a ni. Mizoram Youth Commission hian District khawpui hrang hrangah Youth Summit & Road Show 2018 a indawtin a huaihawt dawn a, Aizawlah tun thla ni 17 leh ni 18 khan Assembly Annex building-ah \an a lo ni tawh a, hei hi nimin khan Kolasib-ah chhunzawm a ni a, district dang zawnga neih zawh hnuah a kharna chu Lungleiah neih a ni ang. MYC Youth Summit buatsaih hi kawng hrang hranga Mizoram \halaite hmasawn tura fuihna leh zirtirna a ni a, an hnathawh tur thlan atana thiamna bik neia hma an sawn theih nan thil hriat \ul te hrilh \hin an ni. He hmalakna hi a hlawhtlin theih nan sorkar department engemawzat bakah private, agency leh firm te nen thawhho a ni. He Youth Summit-ah hian Self Help Group Vairengte leh Bilkhawthlir a\angin Stall chi hrang hrang 26 hawn a ni a, heng Stall te hi mi \hahnem takin an tlawh a ni.
