Mizoramah \halai thiamna hrang hrang nei tam tak an awm thu leh, chung thalaite chu zirna sang zawk leh hnathawh tur zawnga India ram pawna an fehchhuah mek thu sawiin,heng mite hian sorkar laipui hriatpuinaa hnathawh tur \ha tawk an hmuh theih nan hmalakpui turin MEA hotute chu an ngen a ni. Pu Joseph lalhimpuia hian External Affairs Ministry-a Protector General of Emigrants Joint Secretary, Pu MC Luther, Jt. Secretary (Consular, Passport & Visa Division), Pu Amit Lungun leh Jt. Secy (GEM), Vanlalhuma te hmuin, Mizo \halai ram pawna hnathawk duh tan awlsam zawk leh him zawka sorkar hriatpui license neite hmang \angkaia kawng zawn dan tur a sawipui a ni.
Tunah hian The Emigration Act, 1983 hnuaiah Emigrate Project kalpui niin, State Sorkar leh Private Company tan pawh MEA hnuaiah in-register theih a ni a, license 1650 lai an pek chhuah tawh thu te, kumin kumtir a\ang khan graded project thar kalpui niin, hetah hian MEA-ah cheng nuai 8 pekin mi 100 tirh chhuah phalna license an pek theih thu te, chumi hnuaiah chuan license 109 pek chhuah a nih tawh thute MEA hotute chuan MYC Chairman chu an lo hrilh a ni.
