Mizoram Youth Commission in UPSC exam leh Competitive exam danga tlingte hnenah lawmpuina tangkafai Incentive Cash Award a hlan

0
307
views

Mizoram Youth Commission in UPSC exam leh Competitive exam danga tlingte hnenah lawmpuina tangkafai Incentive Cash Award a hlan.

Nizana Award hlanna inkhawm Aizawla neihah Chief Minister Pu Lal Thanhawla chuan, Incentive Cash Award dawngtute chu an hmalam hunah hlawhtlinna chang zel tura a duh sak thu sawiin chhungkua leh ram innghahna tlak an nih a beisei thu a sawi. Pu Lal Thanhawla chuan, sorkarin \halaite tana khawvel thar siam a ngaih pawimawh thu a sawi a, hemi atan kawng hrang hrangin an phak tawkin hma a lak thu te, zirna lamah pawh export-quality education siam tura hmalak a nih thu te, infiamna lama infrastructure development siamin, Mizo thalai infiammite pawh ramchhung leh khawvel huapa an invawrh chhoh thu a sawi. Pu Lal Thanhawla chuan, Kaladan Multi Modal Project peihfel a nih hunah Mizoram chu India leh Asia chhimchhak ramte nen insumdawn tawnna luhka pawimawh a la ni dawn tih a sawi a, Sairang atanga Kawrpuichhuah thleng rel kawng kal tir tura ruahmanna awm mek leh thlawhna tumhmun chhim lama a awm theih na atana ruahmanna kal mek chu nakin a thalai te tana remchang la thlen tu tur a ni a ti bawk.

Education Minister Pu H Rohluna pawhin thusawiin, NEDP hnuaia Entrepreneurship Development Scheme hmanga \halaite tana ruahmanna siamte chu ngaihven turin \halai te a chah a, hlawhtlinna chu tumruhna leh taimakna nena beitute chan tur a ni a ti.

Mizoram Youth Commision Incentive Cash Award hi mi 55 hnenah hlan a ni a, UPSC Main Examination paltlang leh UPSC Exam kaltlanga National Defence Academy a inziak tlingte hnenah cheng nuai khat \heuh pek an ni a, a bak zawng hnenah singa 5 \heuh hlan an ni. Cash Award hi Distric hrang hranga Youth Summit & Road Show buatsaihah mi 10 hnenah hlan a lo ni tawh bawk.