Vairengte Joint Village Council leh Tlawmngai pawl hrang hrang aiawhte chuan thuchhuah siamin Vairengte-a chhungkaw engemawatin hun rei tak a\angin anmahni thar chhuah ngei hmangin arsa leh sa danga sumdawnna Aizawl leh a chhak lam khaw hrang hrangah te an kalpui \hin tih an sawi a, AMPFA inti ten suam hmang chet dan ang maia mahni \anghma chauh ngaihtuaha an khaw sumdawng ten eizawn nana an hman sa puahsa te Hliapui, Selesih leh Durtlang hmunah an khawih chingpen leh a phurtu motor khalhtu leh a chuangte \awngkam mawi lo taka an vau chu an lungawi lo hle tih an sawi.
Vairengte khawtlang hruaitute hian, AMPFA intite chu a rang thei ang bera man tur leh an phu tawk hremna pe turin sorkar an phut tih an sawi a, arsa leh thil dang an tih chhiat sak cheng nuai 6 sing 7 sang 2 chu Zirtawpni ral hmaa rul let turin an phut bawk a. Vairengte khuain sumdawnna him taka an kalpui theihna tura dan siam turin sorkar an phut tih an sawi bawk.
