Mizorama Bank hrang hrangin sorkar kum liamta chhunga loan an pek chhuah chu sum an dawn atanga zaa 39.38 a ni.

0
96
views

State Level Bankers Committee vawiina thutkhawmna-a tarlan anih danin Mizoramah Bank 26 hnuaiah Branch 210 a awm mek a, Public sector bank branch: 81, Private sector bank branch: 24, Regional Rural bank branch: 86 leh Co-operative bank branch: 19 a awm a, Bank hrang hrangin sum khawl an dawn, Deposit chu cheng vbc sing 1 sang 2564 a nih laiin loan an pek chhuah chu cheng vbc 4947 nuai 77 a ni a, sum khawl an dawn atanga loan an pek chhuah Credit Deposit ratio chu zaa 39.38 a ni.

Priority sector hnuaia loan pek chhuah chu loan pek chhuah zawng zawng atanga zaa 53.80 a ni a. Loneih leh a kaihhnawih Agriculture-a loan pek chhuah chu zaa 12.70 a ni a, Industry leh sumdawnna lama loan pek chhuah chu zaa 20.13 a ni.

Thutkhawmna kaihruaitu Chief Secretary Pu Lalnunmawia chuan Mizorama bank ten loan an pek chhuah zat ‘CD ratio chu state dangte aiin a la hniam hle tih a sawi a, mipuite hnena loan tam zawk pe tura tanla turin Bank hrang hrang aiawhte chu a chah a ni.