Mizorama hri kai hmuh tamna ber Aizawl District-ah hri kai 114 an awm tawh a, Hnahthial chu hri kai awm lohna District awm chhun ala ni zel.

0
466
views

Aizawl District-ah hian hri kai hmuh tawh 114 zinga 39 chu an dam tawh a, enkawl lai 75 an awm a. Aizawl District-a hri kai zinga 27 chu Berawtlang-a Covid Care Centre-ah leh mi 22 chu Tanhril-a Covid Care Centre-ah enkawl an ni a, midang 26 chu ZMC-a enkawl an ni. Lunglei District-ah chuan hri kai 63 an awm tawh a, an zinga 47 dam tawhin, enkawl mek mi 17 an awm a, Lungleia hri kai enkawl lai zinga BSF sipai 9 chu an sample en nawnnaah dam mai tura ngaih an ni. Siaha-a hri kai hmuh enkawl lai 6 chu vawiin khan damdawi in atanga chhuah tir an ni a, heti hian Siaha-a hri kai hmuh hmasak 23 chu an dam vek tawh a, nimin khan hri kai 3 hmuh thar an nih avangin enkawl lai 3 an awm a ni. Lawngtlai-a hri kai 21 hmuh tawh zinga 8 dam tawhin, mi 13 enkawl mek an ni. Mamit District-a hri kai 21 zinga 20 dam tawhin enkawl lai 1 a awm a. Champhai-ah hri kai 2 hmuh belh an nih avangin hri kai hmuh tawh chu 12 an tling tawh a, an zinga 9 enkawl dam an ni tawh thung a a ni. Serchhip-ah chuan hri kai 7 hmuh tawh atangin mi 3 an dam tawh a, enkawl lai 4 an awm a. Kolasib District-a hri kai awm chhun chu vawiin khan damdawi in atanga chhuah tir a nih tak avangin hri kai awm lohna District a ni ta a, Kolasib-ah hian hri kai 12 chu an dam vek tawh a ni. Saitual leh Khawzawl District-a hri kai 3 ve ve hmuh tawh pawh enkawl dam vek an lo ni tawh a, Hnahthial District chu hri kai awm lohna District a ni chhunzawm zel.

Vawiin khan ZMC Covid-19 Laboratory-ah ZMC, Aizawl, Lawngtlai, Serchhip leh Saitual District atanga sample dawn 143 endik a ni a, zaninah result hriah theih beisei a ni. Tun dinhmunah ZMC-ah hri kai 26 enkawl mek an ni a, ICU-a awm damlo 3-ten hma an sawn zel a, Isolation Ward-a awmte zinga 7-in hritlang khawsik nasa vak lo an nei a, ngaihtuah awm erawh an ni lo a ni. Vawiin khan ZMC-ah hri kai 2 leh vei rinhlelh 5 dah luh an ni.