Inbiakpawhna tih changtlun dan tur Information & Communication Technology Minister Pu Robert Romawia Royte hova vawiina Aizawla sawihona ah he thu hi tarlan a ni.
Meeting-ah hian service provider hrang hrang ten Mizoram chhunga hna an thawhdan leh an hmachhawpte an sawifiah a. District tina optical fiber network thlundan turte, mobile service chak zawk neih theih dan tur te an sawiho a.
Airtel Service Provider chuan mobile service that lohna khaw 252 ah mobile tower 227 dah tumin hma an la tih an sawi a, National Highway-ah zin mite tana signal that theihna turin mobile tower 19 dah tumin hma an la bawk. Telecom policy changtlung zawk Mizoramin a neih theih nan ICT in hma a la mek niin meeting ah hian sawilan a ni.
