Mizorama Lumpsum Aided Higher Secondary School 9 ten an school theuh Adhoc Grant-in-Aid Higher Secondary School-a hlankai sorkara an dilna bawhzui nan heng school hrang hrang 9-a zirlai pawl inzawmkhawm leh Managing Board ten nimin khan Aizawl Press Club-ah Joint Meeting an nei

0
188
views

Hemi hnu hian thuchhuah siamin an Higher Secondary School te chu an khuaa zirlaiten an mamawh vanga an din, kum 14 chuang an lo enkawl tawh a ni tih sawiin, School enkawlnaa an phurrit chhawk nan an School te chu Adhoc Grant in Aid-ah hlankai sak turin sorkar an ngen a, an neihin a tlin tawh loh avangin tun hnai a\ang khan an school te chu kharin 1st term exam pawh an nei thei lo niin an sawi a, Joint Student Union hminga \um hnih Chief Minister an hmuh hnuah Education Secretary dawr tura Chief Minister-in a ti chu lawmawm an tih thu sawiin, an thilphut tihhlawhtlin a nih nan tun thla ni 25 thleng sorkar hmalakna nghah an tum thu te, hemi hnua sorkar a\anga thu lawmawm an dawng lo a nih chuan tun thla ni 26 a\anga August ni 3 thleng School dinna khaw 9 Zawlnuam, Sawkawrdai, W. Phaileng, Phullen, Farkawn, Thingsulthliah, E. Lungdar, NE Khawdungsei leh Zobawkah te sorkar office leh zirna in zawng zawng leh kawngpui dan an tum thu an puang lawk a ni.