Mizorama National Vector Borne Diseases Control Programme kalpui dan thlirlet

0
590
views

Mizorama National Vector Borne Diseases Control Programme kalpui dan chu vawiin atang khan thlirlet tan a ni a, he Quarterly Review Meeting hi Aizawla NLUP Conference Hall-ah National Health Mission Director, Dr. Lalrozama hova neih a ni a, hetah hian Health & Family Welfare Deptt. hnuaia Malaria Control Programme lama thawkte an tel a ni. He thlirletna inkhawmah hian State Programme Officer, Dr. HC Thangkima chuan Mizorama Malaria do kawnga hmalak dan leh dinhmun tlangpui a lem nena entirin a hrilhfiah a, Lawngtlai, Lunglei leh Mamit District-ah te chuan District dang aiin Malaria vei an la tam niin a sawi a, Mizoram pumpuia thisen enfiah mi 1,10,967 zingah mi 3,035 te chu malaria vei an ni tih hmuh chhuah a ni a, heng zinga 2,607 te chu PF niin a sawi bawk. Deputy Director Malaria, Dr. HT Phosa pawhin thu a sawi a ni. He thlirletna inkhawmah hian Central sorkara hnuaia Regional Office, Imphal atanga lo kal, Sr. Regional Director, Dr. Ashananda Singh pawhin thu a sawi a ni.