Mizorama Rashtriya Madhyamik Shiksha Abhiyan (RMSA) hnuaia hnathawktuten thla 4 hlawh an lak tawh loh avangin harsatna an tawk mek niin an sawi.

0
707
views

Mizoram RMSA Employee Welfare Association hotute hnen a\anga ZONET thudawn danin an hlawh tur cheng Vbc. 52 leh nuai 50 chu sorkar laipuiin kumin May thla khan a Sanction a, Mizoram State Project Director-in June ni 8 khan Education Deptt. hnena release tura ngenna a thawn hnuah hemi thla vek ni 28 khan Education Department-in Finance Deptt. ah release tura ngenna a thawn veleha, heta \ang hian sum pek chhuahna tur file hi Finance-ah a la tang mek nia an hriat thu an sawi a. Hlawh an lak theih loh avang hian an khawsak phung a buai tawh nia sawiin, nitin mamawh leina turah pawh an harsa tawh a, damlo inenkawlna lamah leh an fate school kaltirnaah pawh harsatna an tawk tawh niin an sawi a ni. Hetihlai hian Mizoram RMSA Employee’s Welfare Association chuan thla 4 chhung hlawh la thei tawh lo mahsela, an member te chu \hahnemngai taka an hnathawk zui zel turin an ngen a.