ZONET zawhna chhangin Pu Rintea chuan, nikum chhung khan Bilkhawthlir a buh thar chhuah atangin quintal 23 an lei sak tih a sawi a, a bak lei tur an hmuh loh thu a sawi a, kuminah quintal 300 vel lei tur an nei thei dawn nia an hriat thu a sawi a. Hetihlai hian Champhai leilet a buhthartute erawh chuan sorkarin a lei ngamna angin an hralh phal lo thung tih a sawi.
Pu Rintea chuan, Mizoram a thar buhfai te chu lei vek sorkarin duh mahse an duhkhawp lei tur a awm loh thu a sawi. Food security in a huam loh ration a sem tur buhfai quintal sing 5 thla tin sorakrin a man to-in a lei belh ziah a, hemi atan cheng nuai za 6 vel sen \hin a ni a, Mizofed a\angin KG ah cheng 27 leh duli in sorkarin a lei a, ration semnaah cheng 15 in an hralh leh thung a, sorkarin sum tam tak a sen belh \hin a ni.
Fur ruah tui tlak hmaa hmun hrang hranga buhfai chhekkhawl hna an thawh mekah buhfai awmsa phurh chhuah lai, a dang la dahluh hma siin mi\henkhatin kudam pakhat thla chu lo lain buhfai awm lo angin thu an thehdarh tih Supply Minister hian a sawi a, hei hi thu belhchian dawl lo a ni tih sawiin tun dinhmunah buhfaiah harsatna a awm lo a, chhekkhawl sa pawh a tam tawk a ni a ti.
