Mizorama tlawmngai pawl lian hrang hrang aiawhten New Delhi-ah Chief Election Commissioner, Pu OP Rawat hmu

0
560
views

Mizorama tlawmngai pawl lian hrang hrang aiawhten Central YMA President, Pu Vanlalruata kaihhruaiin vawiin khan New Delhi-ah Chief Election Commissioner, Pu OP Rawat hmu-in, Tripura Bru Relief Camp 6-a awm, Mizorama let duh lote Mizorama inthlannaah vote thlak tir tawh loh an duh thu an hrilh a, an thilphut tarlanna memorandum an thehlut.

Chief Election Commissioner hi Election Commissioner, Pu Sunil Arora leh officer pawimawh dang pali ten an \awiawm a, Central YMA President, Pu Vanlalruata hi MHIP Finance Secretary, Dr. Thanpuii, MZP President, Pu L. Ramdinliana Renthlei leh MSU President, Pu RB Lalmalsawma ten an \awiawm a ni. Minute 20 chhung vel an inkawm chhung hian Tripura Bru Camp-a awm, Mizoram mi, Mizoram let duh lote Mizorama inthlannaah vote thlak tir tawh loh an duh thu Election Commission hotute an hrilh a, thlak tir leh tumna a awm chuan nasa taka dodal an tum thu an hrilh bawk. He meeting-ah hian tlawmngai pawl hrang hrang aiawhte chuan kum 2014-a ziaka an lo intiam tawh ang ngeiin Mizoram pawna awm Bru ten Mizorama inthlannaah vote an thlak tawh lohna tura hma la nghal turin Election Commission hotute an hrilh a, Mizoram Bru, Tripura Bru Relief Camp-a awm te tun hmalama Mizorama la let leh tura an beihnaah Mizorama let duh chhungkaw 1600 chuang lakluh an nih tawh thu leh chungte chu boruak \ha leh muanawm tak hnuaiah Mizote nen inthliarna awm lova an khawsak ho thu te an tarlang a ni. An thu thlen hi Chief Election Commissioner, Pu OP Rawat chuan ngaihtuah zui a tum thu tlawmngai pawl hruaitute chu a hrilh a ni.