Mizorama tlawmngaipawl intelkhawm, NGO Co-Ordination Committee-in Lawngtlai District ah dan lova ramdang mi electoral roll a ziah luh an awm nia sawiin, enfiah a, paih tura ngenna Chief Electoral Officer hnenah an thlen.

0
308
views

An lehkha thehluhah chuan, Lawngtlai district-ah ramdang Myanmar Rakhine mi te chu dan lovin electoral Roll-ah ziah luh an nih thu an sawi a, hemi hi chhui chianga paih turin an ngen a ni. Hemi chungchanga ZONET zawhna chhangin NGO Co-Ordination Committee Chairman Pu Vanlalruata chuan, an hriat theih chinah dan lova ramdang mi Myanmar Rakhine electoral Roll-a ziah luh hi khaw 4 atangin mi 489 an nih thu a sawi a, CEO hnena an thu thlen chungchang chu tunhnai khan enquiry an tih thu leh report an dawn thuai an in beisei thu CEO hian a lo hrilh tih sawiin lehkha an thehluh pawh an lo bawhzui tur thuin a lo chhang tih a sawi.