Mizorama UN Programme Coordination Office, NLUP Implementing Board-in enkawl chhunzawm dawn

0
586
views

Mizorama UN Programme Coordination Office chu NLUP Implementing Board enkawl chhunzawm atan vawiin khan hlan a ni a. Hemi atana inremnaah hian United Nations aiawhin UNDP Coordinator, Pu Rinzuala, NLUP Implementing Board aiawhin NIB Secretary, Pu James Lalrinchhana’n hming an ziak a ni. UN Joint Initiative Project, kum 2014 a\anga 2017 thleng awh chu a hun a lo tawp tak avangin ruahmanna thar siam a nih hma chuan UN Programme Coordination Office hi NLUP Implementing Board-in a enkawl rih dawn a, a enkawl chhunzawm zel dan tur chu CM hova rel leh tur a ni. Hemi puala inkhawm, NIB Conference Hall-a neihah NIB Chairman, Pu JH Ro\huama chuan, NIB kuta UN Programme Coordination Office hlan chhawn a ni chu UNO leh Mizoram sorkar thawh dunna bung khatna kharna niin a sawi a, hemi rual hian bung hnihna keu leh thuai a nih tur thu a sawi a. Kum 3 chhung an thawhho chhungin UN Joint Initiative Project a\angin thil \ha tam tak an zir chhuak hman niin a sawi bawk.

Mizoram sorkar leh United Nations Organisation peng pali-te thawhhona thuthlung hi kum 2014 October ni 16 khan ziah a ni a. He thawhhona hi kum 4 chhung, kum 2014 a\anga 2017 thleng atana siam a ni a, he thawhhonaah hian UN hnuaia pawl pali – United Nations Development Programme, Food & Agriculture Organisation, United Nations Industrial Development Organisation leh United Nations International Labour Organisation-te an tel a. He Project-in a tum ber chu ei leh bara intodelh tur te, nunphung hrisel zawk an awm theih nana hnathawh te, tui hna leh ramngaw humhalh kawnga \an lak leh mipuite thlamuang taka an khawsak theih nana \an lak te a ni a. He thawhhona hi kum hlui, December ni 31 khan a tawp a ni.