Chakmate tana Vibrant Nation siam tum anga MPCC President Pu Lal Thanhawla’n a puhna chu dawt a nih thu MNF President Pu Zoramthanga’n a sawi

0
389
views

Chakmate tana Vibrant Nation siam tum anga MPCC President Pu Lal Thanhawla’n a puhna chu dawt a nih thu MNF President Pu Zoramthanga’n a sawi. He thu hi vawiina Mizo Hnam Run inkhawmah sawiin Pu Zoramthanga chuan, CADC-a a awm laia a thu sawi zawng zawng chu video-a lak vek a nih thu a sawi a, CM meuhin dikna lang leh nghal mai tura dawt a sawi chu ching tawh lo se a duh tih a sawi. Pu Zorama chuan, Minister Pu Zodintluanga’n ‘MNF-te chu mautam hrin, mautam leh hnua ral leh mai tur an ni’ tia a sawi pawh chhangin, “Mautam a\angin kum 10 chuang a ral leh tawh a, MNF chu a vul zual zel a, Pathian leh mipui zarah sorkar turin a inbuatsaih leh mek a ni, a ti bawk.

MNF President chuan, “Mizoramah tual \o party \hahnem tak a ral tawh a, Mizo Union te, Zalen pawl leh rambuai laia party ding engemaw zat pawh an ral tawh a, MNF erawh chuan harsatna hmachhawn \hin mah se, hmalam a pan zel a ni a ti. Chawngte-a MNF banner ‘Vibrant Chakma Nation’ tih intar chu a hun laiin a hmu lo niin a sawi a, Chawngte a\anga an let leh hnu Lunglei an thlen hnuah chauh Whatapps a\angin banner-a thil inziak hi a hmu ve chauh niin a sawi. Mara Autonomous District Council Area-a VC inthlan chungchang sawiin, Saiha MLA Constituency-ah opposition party ni chungin hnehna an chang tih a sawi a, Palak Constituency lamah erawh an che \ha lo hle tih sawiin, he bial hi hun rei tak a\ang tawha MNF-in candidate an neih ngai lohna, an thawhpui \hin MDF bial char char a nih \hin vang niin a sawi. Hnam Run inkhawm hi Deputy Mayor Pu Lalringliana’n a kaihruai a ni.