MNF-in furpui campaign ITI vengah chhunzawm

0
724
views

MNF Party-in Aizawl khawpui chhunga furpui Campaign an huaihawt chu tukin khan ITI vengah an chhunzawm a, IBS Chawlhbuka inkhawmah an party MLA, Pu Lalrinawma chuan, nakkuma Assembly inthlan huna MNF party-in thuneihna a chan chuan chu sorkar chu mawhphurhna la ngam sorkar a ni dawn niin a sawi a, Kolkata-a NIAS-a dik lo taka zirlai thawn chungchangah sorkar chu a mawh la ngam lova a puh a ni. Pu Lalrinawma chuan, thuneihna an chan chuan hmun hrang hranga zirtirtu indaih lohna chu dan fel tak siama chin fel a ni dawn niin a sawi a, tuna sorkar ding laiin zu zawrh phalna a pek vangin zu avanga mimal leh chhungkaw buai tam tak an awm nia sawiin, zu zawrh phalna permit tihtawp a nih tur thu leh, Health Care Scheme pawh tha zawka siama hman a nih tur thu a sawi bawk.