MNF in zalenna a sual laia nunna chante ruhro tun hnaia lakkhawm 14 thlah

0
221
views

MNF in zalenna a sual laia nunna chante ruhro tun hnaia lakkhawm 14 chu Aizawl Luangmuala Martar Thlanmuala dah tur chu vawiin khan EX-MNA Association bultumin thlah a ni a. Hemi puala inkhawm Synod Conference Centre-ah neih hi MNF Senior Vice President, Army Chief hlui nibawk, Pu Tawnluia’n a kaihruai a, Martar Family General Secretary, Pu R. Lalnunsanga’n ruhro lakkhawm a nih dan leh a thlahna inkhawm buatsaih a nih chhan hrang hrang a sawifiah a. Ex-MNA Vice President, Pu C. Zama’n ruhro an lakkhawmte chanchin te, MNF an \an laia an sulhnu hrang hrang leh vai sipai kuta an thih dan chochiar takin a sawifiah a. Ex-MNA President, Rochungnunga’n thu a sawi bawk. He inkhawmah hian ruhro an lakkhawmte zahna leh chawimawi nan MNF Genreral Headquarters leh Committee peng hrang hrang hruaituten an kuang chungah pangpar an dah a, hemi hnu hian ruhrote chu Aizawl Luangmuala Martar Thlanmualah dah nghal niin, thlanmualah hian inkhawm tawi buatsaih leh a ni, hei hi MNF National Council member, Pu K. Vanlalauva’n a kaihruai a ni.

Ruhro thlahna inkhawm hmanpuitu MNF President Pu Zoramthanga chuan Hnam martar te chu Mizoram leh mipui te bakah an mahni sawi chhetute tana nun hlan an ni a ti.