Pu L. Malsawma Colney hi kum 1932, July ni 29 khan Rev. Fehtea leh Pi Kapchhunga fa 12 zinga 8-na niin a lo piang a, zirna lamah chuan BA a ni. Kum 1965-ah MNF Senator a tan ruat a ni a, 1966-a ram a buai hnuah MNF President, Pu Laldenga hnungzuiin a mi rin berte zing a mi a ni a, kum 1986-ah MNF Senate President Protempore-ah thlan a ni a, kum 1971-ah National Committee Member a ni a, 1975-ah Arakan-a MNF Vice President a ni a, kum 1978-ah MNF Vice President ah thlan niin, 1979-ah phei chuan MNF President atan thlan a ni a, amah hi ham dang awpna hnuaia awm duh lo niin, MNF leh India sorkar inbiakna pawh neih duh lo zinga mi a ni a. Mizote hi ram dang awpna hnuaiah an awm tur a ni lo ti tlat \hin a nih avangin kum 1976-a Calcutta Convention-ah pawh huai takin a \ang a, kum 1979-ah ramhnuai a\angin a lo chhuak a ni.
Pu L. Malsawma Colney hian ramhnuai a\anga a lo haw hnu kum 1989-ah Democratic Party-ah Treasurer leh Vice President hna a chel a, MP thlannah Candidate niin, a tling zo lova, hemi hnu hian Politics lamah a inhmang zui ta lo a ni. Pu L. Malsawma Colney hi kuthnathawh ngaisa mi a ni a, kum 1995 khan Biate-a Seki huan ramah huan siam a, hei hi Aizawl a\anga hun engemaw chen a enkawl hnuah a pianna khua Biate ngeia awm a duh avangin kum 2015-ah Aizawl a\angin a pem a, a thih thlengin a awm ta a ni. Kum 2004 khan Pi Lallianmawii Kanghmun khua nen an innei a, kum 2011 a\angin lung lam \hat lohna a nei a, kum 2013-ah lung lem vuah sak niin, heta \ang hian a hriselna a pan chho telh telh a. Nikum phei kha chuan pawn a chhuak peih meuh lova, nimin khan a taksa a chak loh zual avangin tlai dar 4:30 velah Biate damdawi in panpui a ni a, theihtawp chhuaha enkawl a nih hnuah tlai dar 4:50 khan a boral ta a ni. Pu L. Malsawma Colney ruang hi nizan khan lumen a ni a, vawiina khan vui liam a ni.
