MNF Lunglei South Block I intawh khawm buatsaih

0
344
views

MNF Lunglei South Block I-in vawiin khan Sethlun YMA Hall-ah Party mite intawh khawm buatsaihin, an party Socio-Economic Development Policy an inhrilhfiah a, an party \halai President, Pu Lalrinawma MLA chuan tun dinhmunah sorkar project leh contract hna hrang hrangte chu a hun takah thawh zawh hman a nih loh \hin avangin sorkarin sum tam tak a sen belh \hin niin a sawi a, nakkuma Mizoram Assembly inthlan huna MNF-in thuneihna an chan chuan dik takin hna thawh a ni ang a, a hun taka hna zawh hman loh avanga sum sen belh ngai tihbo tum a ni dawn niin a sawi. Mizoramah hruaitu \henkhatin Mizote chu sorkar chawmhlawm nia an sawi \hin chu thu dik lo nia sawiin, thil leitu zawng zawngin an thil leiah chhiah an pe vek a, chhiah tling khawm chu sorkar sum hnar a nih avangin Mizo mipuite hian ram inrelbawlna sum leh paiah thawh chhuah an nei niin a sawi. MNF \halai President chuan tun hnaia Mizorama pawl hrang hrang lo piang ta chuan sorkar thar leh \ha zawk neih an duhzia a tilang niin a sawi a, an thil duh chhanna atan MNF chu a inbuatsaih mek niin a sawi bawk. He inkhawm hi Lunglei South I Block President, Pu PC Lalramnghaka’n a kaihruai a ni.