ZONET zawhna chhangin Pu C Lalrosanga chuan, Aizawl-a Tuikuk pawl hrang hrangin Tripura Camp-a vote an thlakna tura sum an dilna lehkha nia sawi chu hmuh pawh a hmu lo tih a sawi a, pawisa pawh a pe lo hrim hrim tih sawiin hemi chungchang hi Social Media a\angin nimin khan a hriat ve chauh thu leh engmah a hriatpui loh thu a sawi.
Tuikuk pawl hrang hrangin Aizawl a\anga Tripura Camp-a vote an thlakna tur sum MNF MP Candidate Pu C Lalrosanga hnena dilna nia sawi lehkha hi Social Media-ah a darh a, Aizawlah bru hnathawk 85 vel an awm tih leh heng mi te hawna tur Rs. 1,000 \heuh BRU Welfare Committee te hnena pe tura ngenna a ni.
MPCC leh ZPM Joint Publicity Committee chuan lehkha thehdarh hi MNF sorkar hnuaiah Tuikuk-te an huangtau hle tih lanna a ni tiin thuchhuah an siam a ni.
Hetihlai hian Mizoram Bru Displaced Peoples Forum pawhin thuchhuah siamin an lehkha ni awma thehdarh chu a lem a ni an ti a, MBDPF leh mimal bakah MNF Party tih hmingchhiat tumna thil nia sawiin, lehkha lem siamtute chuan mihring hming leh pawl hming te bakah mobile number te pawh dik lovin an tarlang a, dik lo taka lehkha lem siama pawl leh mimal tihhmingchhiat tuma thehdarhtute chu man chhuaka, an phu tawk hremna pe turin Mizoram sorkar an ngen tih an sawi.
