Chhipphir Community Hall-a vawiina Vantlang inkhawmah thusawiin, Dr. R. Lalthangliana chuan Mizoram State Lottery-ah sorkarin sum vaibelchhe sing chuang a hloh nia CAG-in a tarlan chu corruption inphumrukna niin a sawi a, mipuite zingah rethei tak tak tam tak an awm laia heti zat sum kawngbo a awm chu thil lungchhiatthlak nia sawiin, a mawhphurtu chhuichhuaha hrem ngei a \ul niin a sawi a ni. Dr. R. Lalthangliana chuan kumin kum tawp lama Mizoram Assembly inthlan lo awm turah MNF-in thuneihna a chang dawn niin a sawi a, Congress chu mipuiin an hne tawh a, hnawl thuai duhin mipuiten inthlanna neih an nghakhlel tawh hle niin a sawi a ni.
Dr. R. Lalthangliana chuan Lunglei North bial chu Cabinet Minister bial nimahsela, hmasawnna hnathawh hmuh tur a vang hle niin a sawi a, MNF sorkar laia PMGSY sum hmanga kawng an laihte chu Congress-in a chhunzawm lo nia sawiin, Bualpui V leh Zote leh a chhehvel kawng chu a awm ang angin chhe takin a awm niin a sawi a, zirna-in te pawh ngaihthah a nih bakah tui a harsa hle niin a sawi a, inthlanna neih huna MNF-in thuneihna a chan chuan SEDP hmangin Zoram mipuite chu dinhmun sang takah hlankai an ni dawn niin a sawi a ni. Inkhawm hi Chhipphir Group MNF President, Pu H Lalrammuana’n a kaihruai a ni.
