MNF Vice President, Dr. R. Lalthangliana’n Congress sorkarin World Class Education kalpui nia insawiin, Lumpsum Grant-in-Aid Higher Secondary School 9 te dinhmun a ngaihthah niin a sawi.

0
527
views

He thu hi vawiina South Tuipui biala Tarpho Joint Unit intawhkhawm buatsaihah sawiin Dr. R. Lalthangliana chuan sorkarin sum tam tak senga Education Reform Commission a din chungin tuna Mizoram sorkarin zirna lama a thlenpui chinah lungawina tur a awm lo niin a sawi a, zirtirtu indaihlohna pawh a la ngai reng niin a sawi a ni.
Dr. R. Lalthangliana chuan an party-in thuneihna an chan laiin Mizoram Education Act an siam a, zirtirtu transfer & posting rules an siam chu Congress sorkar chu hmang chhunzawm duh lovin, hemi avang hian zirtirtu transfer & posting chungchangah harsatna a awm niin a sawi a, MNF-in thuneihna a chan leh chuan Education lama harsatna awm hrang hrangte chu sutkian a ni dawn niin a sawi a ni. Dr. R. Lalthangliana chuan, Lumpsum Higher Secondary School 9 ten dinhmun sang zawk an phut avanga kawngpui an dang leh zirlaite tawrhna thleng mek chu pawi a tih thu a sawi a, heng school 9 te hi MNF sorkar laia Lumpsum Aided School-a hlankai an nih thu sawiin thuneihna nei chhunzawm se chuan dinhmun sang zawkah an hlankai vek tawh a rinthu sawiin kumin Assembly inthlan a thuneihna an chan chuan Higher Secondary school 9 te dinhmun chu chinfel sak an nih tur thu a sawi. Dr. R. Lalthangliana chuan an hun laia Adhoc Aided School-a hlankai tawh tun thlenga dinhmun ngai renga an la awm te khawtlangin a enkawl school dinhmunte an enfiah vek dawn niin a sawi a ni.
Dr. R. Lalthangliana hi MNF Gen Hqrs. hruaitu engemawzatin an \awiawm a ni.