MNF Vice President Pu R Tlanghmingthanga’n Congress chu a dera mipui duhsaktuah puhin an laka fimkhur turin mipuite a chah

0
393
views

MNF Vice President Pu R Tlanghmingthanga’n Congress chu a dera mipui duhsaktuah puhin an laka fimkhur turin mipuite a chah. Vawiina Khanpui MNF Group vantlang inkhawm buatsaihah thu sawiin, Pu R Tlanghmingthanga chuan, Congress party chu mipui sum tlingkhawm hmanga hleihnei taka an party mite chauh duhsakah a puh a, party dang leh Neutral te chu sum hmanga thlemin duhsaktu ber angin lem an chang mek niin a sawi. Pu R Tlanghmingthanga chuan, MNF chu a piangthar tawh nia sawiin mipui chunga lal tur ni lovin an duhdan tipuitling tur leh Sorkarna siam turin a inbuatsaih mek a ni a ti a, MNF chu Party dang \angrualin beihrawn \hin mahse Pathian rinchhana a kal tlat avangin a ding chang zel dawn niin a sawi a, kumin Assembly inthlanah thuneihna an chan chuan, Martar chhungte leh hnam sipaite chhawmdawlna tur bik sum an dah dawn niin a sawi bawk. Inkhawm hi Khanpui MNF Group President Pu Lalpianmawia’n a kaihruai a, Zoram Decentralization Front Executive Member Rev. Vanlalduha’n thu a sawi bawk.