Inkhawm hi an President Pu Lalrinawma Dy. Speaker in a kaihruai a, an pawl Vice President pahnih Pu H. Ramdinliana leh Pu Lalremruata Chhangte bakah Treasurer Pu Lalzahawma Khiangte ten fuihna thu an sawi a, ram leh hnam tana nunna chan martarte an sun bakah MNF changvawn an sawiho a ni.
MNYF hian resolution pass-in an party President Chief Minister Pu Zoramthanga leh MP Pu C. Lalrosanga leh tlawmngaipawl te tanrualna avanga CAA in Mizoram a huam ta lo chu lawmawm an tih thu an tarlang a, CM hmalakna avangin kum 22 zet Mizoram a\anga Tripura Camp-a Tuikuk awm te Tripuraa an awm hlen theihna tura inremna ziah a ni ta chu ropui an tih thu te, Mizoram University Southern Campus din phalna hmuh a nih thuah CM leh Higher and Technical Education Minister hmalakna ropui an tih thu te an tarlang a, Chief Minister Pu Zoramthanga kaihhruai MNF sorkarah Zoramin kawng hrang hrangin hma a sawn niin an sawi bawk.
