MPC Sr. General Secretary, Pu Phairothanga chuan, ram siam\hat beiseina avangin \hanemngai takin MPC Party-ah an lo awm tawh \hin thu leh hei hi chak zawka bawhzui a nih theih beiseiin, thawh hona thuthlung ZPM din a ni tih a sawi a. Pathian leh mipui zarah ZPM chuan bial 8-ah hnehna an chang a, an hmalakna chu awmze nei leh zuala kalpui a nih theih nan ZPM-a tel pawl hrang hrang chuan Party pakhata inchhunfin an rel a, he hmalakna hi lungrual takin an kalpui emaw tih laiin MPC hotu \henkhatin ro hran relin ZPM-a an awm theih loh thu an puan hnan ta tih a sawi. He thutlukna hi an Party thuneitu sang, Executive Meeting-in a rel tur awm tak a nih laia an hruaitu \henkhatin an mahni thua hetiang thutluikna siam a, an hriat ve hmaa Press Conference hial nei a, ZPM-a an tel ve loh tur thu an puang ta chu vanduaithlak an tih thu an sawi. Pu Phairothanga chuan, ZPM dinna kawngah hian MPC Party chu a sulsutu zinga mi an nih thu leh a neitu tak tak an ni tih sawiin, an Party dintu Brig. T. Sailo-a hmathlir tihhlawhtling turin ZPM chu Party rintlak awm chhun a nih avangin Mizoram hmun hrang hranga an Party mite chu an hmalakna zawma ZPM Party zawm ve \heuh turin an ngen tih a sawi.
