MPC Party puipate \hukhawm hian Chief Secretary, Pu Lalnunmawia Chuaungo-in Mizoram sorkar record atana Brig. T. Sailo-a kaihhruai PC sorkar-in dan lova Mizorama lo lut ru Chakma a thawn kir zat chhinchhiahna leh Chakma foreigners chungchanga an hmalak tawhna record a dil chu tun thla ni 28 hian hlan ni se an ti a. Bangladesh a\anga dan lova Mizorama lut ru Chakma-te ngawrh taka dap chhuak a, thawnkir runpui thar thawh leh turin MPC Party chuan sorkar an phut thu an sawi bawk. He \hutkhawmna kaihruaitu an Party President, Pu Lalhmangaiha Sailo chuan, nimin khan European Union ram 154-in BJP kaihhruai sorkar-in CAA a pass dodalna resolution an siam thu sawiin, India sorkar chu civil leh political rights bawhchhiaa an ngaih thu te, international human rights treaties vawngtu a nihna thlauh thla a, CAA chu sakhaw inthliarna duhawm lo tak thlentu a an ngaih thu resolution draft an ziah-ah hian tarlang a ni, a ti.
MPC puipate chuan General Hqrs. leh District Sub-Hqrs.-te inrel bawlna tih changtlun a, Block, Unit leh Group din belh zel tura beihpui thlak nise an ti bawk.
