MPC Party President Pu Lalhmangaiha Sailo in Citizenship Amendment Bill chu Mizoram tan a him lo tih a sawi

0
770
views

MPC Party President Pu Lalhmangaiha Sailo in Citizenship Amendment Bill chu Mizoram tan a him lo tih a sawi. Dan dinglai siam\hat tumna hi Parliament thlasik \hutkhawmah putluh tum niin a sawi a, hei hi kaltalngpui anih chuan Bangladesh, Afghanistan leh Pakistan ram a\anga lo lut te kum 6 India rama an awm tawh chuan khua leh tui nihna pek an ni dawn nia sawiinMizoram tan chuan thil pawi tak tur a ni a ti. Pu Lalhmangaiha chuan he Bill duh lohna Memorandum sangkua zet thehluh a ni tawh tih a sawi a, MPC, ZNP leh Central YMA-te pawhin an duh loh thu ziakin sorkar laipuiah an lo thlen tawh tih a sawi a, tuna Assam ramri Zophai leh a chheh vela hnamdang awm te pawhin khua leh tui nihna an chan phah theih dawn avangin Mizoram sorkar pawhin na zawka a dodal a ngai a ni a ti. —————-

Ex-MNA Association in vawiina Aizawla Special Assembly an hman chu MNF Army Chief hlui, MNF Senior Vice President Pu Tawnluia’n a hmanpui a. He inkhawm hi an pawl Vice President, Pu C. Zama’n a kaihruai a, President Pu Rochungnunga pawhin thu a sawi. Ex-MNA Association Special Assembly-ah hian Mizoram chhung hmun hrang hrang a\angin mi 64 an tel a, kalkhawmte chuan, Mizoram leh hnam tana nun hlantute chu an zah thu leh an hmabak chhunzawm tura hmalak an tum thu te, Mizoram leh hnam chhana ke pente chu an thlawp tlat tur thu leh Mizoram leh Assam ramri chungchangah Bengal Eastern Frontier Regulation, 1875 chu an dinna a nih thu te Resolution an siam a ni.