Thuchhuah a siamah Pu Hmangaiha hian, Mizoramah hri kai hmuhchhuah belh a nih rih loh avangin Green Zone-ah awm rih mah se, hrileng chu hneh ala ni mai lo tih mitinin an hriat a ngai a ni, a ti a. Green zone atang hian nikhat chhung leka Red zone-a lut an awm tih hriat a tha a, fimkhur zel a ngai tih a sawi.
MPC President hian, MNF kaihhruai Mizoran sorkar chu Sorkar tha, mipui rin ngam leh langtlang ni turin a ngen a, mipui hnenah thudik chauh sawi tur leh langtlang tur te, mipuiin ngaihngam taka hri leng dona tur sum an thawh theih nan inkaihhruaina felfai leh rintlak siam tur tein a phut a. Covid-19 avangin Mizoram sum leh pai thanna a tla hniam nasa a, hetiang bawk hian Sorkar laipui sum lakluh pawh a tlak hniam nasat avangin sum hmuh tura beisei zat hmuh theih a rinawm lova, tuna sum neih chhun ang ang hmanna turah hriselna leh, lo neih leh a kaihhnawih lam dah pawimawh turin sorkar a phut a ni.
