Kristian mipui thlantlin Pu Zoramthanga’n BJP hlau lo leh huaisen taka Mizoram a kaihhruai theih hun nghakhlel takin an thlir tih MPCC Communication Department hian an sawi a, Social media thenkhatah BJP MLA Dr. BD Chakma chuan deusawh takin Mizoram chief minister Pu Zoramthanga chu ‘leh lama awrdum lehlama awrsen’ angin a chhuah a ni an ti a, BJP MLA pakhatin chief minister a deusawh chu Mizoram mipuite tan zahthlak an tih thu sawiin, BJP leh MNF inzawm dan chu huai taka puang turin Chief Minister chu an phut tih an sawi.
MPCC Communication Department chuan, Mizoram BJP Whatsapp group-ah MLA Dr. BD Chakma chuan an party-in state leh CSS hnuaia project reng rengah Mizoram BJP-in za zela 25 an dawng dawn tih a sawi a ni an ti a, MNF in intiamkamna hming an ziak lo a nih chuan MNF atangin eng dinhmun mah chelh a tum loh thu a sawi bawk a ni an ti a, hei hi MNF-in an dinhmun dik tak an sawi ngam loh vang a ni an ti.
