He thu hi vawiina Congress Bhavan-a inkhawmah sawiin, inthlan dawna MNF hruaitute intiamna hrang hrang chu mipuiten an hria a, an la theihnghilh lo a ni, a ti a. Traffic Jam awm lohnaa Aizawl khawpui siamtumtute thil tih dan chu a mak sawt hle tih sawiin, ruahmanna an siam dan chuan June ni 1 a\angin lirthei intlanchhawk dan thar hman a ni dawn a. Hetah hian lirthei pakhat chu thla tin ni 4 emaw ni 5 emaw tal an din a ngai tawh dawn tih sawiin, hetiang zawnga Traffic Jam tihreh tum chu thil mak tak a ni a, Traffic Jam tireh tur hian mipuiten MNF sorkar lakah beisei an nei a. chu chu kawng chhawnga tlana harsatna awm tawh lova nuamsa taka lirthei tlan theih a ni tih sawiin, hei hi tuna ruahmanna an siam dan nen chuan a inpersan hle a ni, a ti.
Pu PC Laltlansanga chuan, MNF sorkar thil tih kual dan chu mi chinchang hria leh hawi zau deuhte chuan mak an ti hle tih sawiin, an lakah beisei sang tak an nei lo niin a sawi a. MNF hruaitute chu hman a mite kha an la ni reng a, an zia an la thlak loh avangin kum 10 kalta an thil chin ngai bawk an ching leh mek a. Kum 5 chhung thuneihna an chang tur chu Congress kum 10 sorkar chhung ai khan mipuiin an ning zawk dawn niin a sawi.
