MPCC hian Lungleia MZU Southern Campus hawn tur chu Mizoram tan chanchin lawmawm tak pakhat a nih laia Larsap thuasawia telh a ni lo chu a mak hle a ni, an ti a. Hemi bakah hian Healthcare Scheme kalpui a nih dan chungchanga sorkar leh private damdawi inte inremna hlu tak, mipui tana lawmawm em em chanchin tarlan a ni lo bawk chu an hrethiam lo hle tih sawiin, heng thil chi hnihte hi Minister zahawm tak Dr. R. Lalthangliana enkawl Department hnuaia mi ve ve a ni a.
Hetiang a nih mek lai hian a changtu Horticulture Department pawhin engmah an hriatpui loh SEDP hnuaia Rua chin tum a nih chungchang leh chumi atana hmalaknate tarlan a nih bakah Tourism lama sorkar hmalaknate phei chu uar taka tarlan a ni, an ti a. MPCC chuan,
Republic Day-a Larsap thusawi tur hi State sorkar thuneituten uluk taka sorkar hnathawh an ngaihpawimawh zawng an tarlanna a ni ber \hin a. Tunhnaia Health leh Higher and Technical Education Department kaihhnawiha thil thleng lian tham tak takte tarlan a ni ve miah lo hi a makin, sorkarin a ngaihlu tehchiam lo a ni tih a lantir tih sawiin, hei hian MNF party chhunga hruaitu nih inchuhna boruak kal zelah Dr. R. Lalthangliana benghniam tumna a la lian hle niah MPCC chuan a ngai a, MNF Party chhungkaw boruak tha lo, Republic Day-a Governor thusawia a langchhuak hi a pawi hle a ni, an ti.
