MPCC hian tun thla ni 1 khan PPE leh hmanraw dang lei tha tawk lo nia sawi chungchangah ACB-ah FIR an lo thehlut tawh a. Hemi bawhzui hian Mizoram Lokayukta chuan, tunkar Thawhlehni khan PPE leinaa thil fel tawk lo awm nia sawi chu chhui chianna tur thupek a tichhuak a, ACB chu Preliminary Enquiry ti tur leh an chhuina report chu a rang thei ang bera thehlut turin a hriattir a ni.
MPCC chuan, Mizoram Lokayukta-in an FIR thehluh thu tlingah ngaia chhui zui a remti chu an lawm hle tih an sawi a, he thilah hian thil dik lo awmte chhuichhuah a nih a, mawhphurtuten hremna an hmachhawn ngei an duh tih an sawi a, COVID-19 hripui leng kara mipui chhiah pek tlingkhawm pawisa, awmze nei loa luangral tur vengin Congress Party chuan theihtawp a chhuah zui zel dawn tih an sawi.
