Hetah hian MPCC Vice President, Lok Sabha member hlui, Pu CL Ruala leh Legal Department Chairman, Pu RC Thanga ten ramri chungchanga thil pawimawh hrang hrang an sawi a, Mizoram Chief Minister hmasa ber Pu C. Chhunga’n kum 1974 January ni 2-a Prime Minister hnena memorandum a thehluhah, Lushai Territory leh Cachar inkar ramri Demarcated leh Notified awmchhun chu Inner Line 1875 a ni tih leh, Inner Line Reserved Forest Area chu Mizoram chhungah a awm vek tur a ni tih te, hei hi Mizoram leh Assam inrina atana Mizoramin an pawm a nih thu te lehkhaah hian tarlan a nih thu an sawi. Kum 1987 July 3-a Dispur, Assam-a Mizoram leh Assam Chief Secretary inbiaknaah pawh hei tho hi Mizoram \anchhan a ni a, kum 1988 May ni 25-a Mizoram sorkar Cabinet \hukhawm pawhin hei tho hi Mizoram \anchhan a nih thu tarlan a ni bawk tih an sawi.
Cachar leh Mizoram inrina chu Inner Line Regulation, August 1875-ah chiang taka tarlan a ni a, chhinchhiahna ramri lung pawh 46 lai phun a ni a, hei hi Assam Government Note on the Lushai, 1973-1889 para 86-ah pawh chiang taka tarlan a nih thu te, hetiang a nih lai hian India sorkar leh MNF inremna, Memorandum of Settlement Article 4.3 (1)-ah chuan North Eastern Areas (Reorganisation) Act, 1971 chu Mizoram leh Assam ramri a nih thu tarlan a ni a, hei hian ramri chungchanga Mizoram \anhmun a tiphet ta niin an sawi.
Mizoram leh Assam ramri buai chungchangah hian Congress kaihhruai sorkar chuan nasa takin hma a lo la tawh \hin niin he zir honaah hian tarlan a ni a. Kum 1993 kha ramri chungchangah DC level-a inbiakna neih a lo ni tawh a, Chief Secretary level-a inbiakna neih chhunzawm leh niin, Chief Minister level a inbiakna awm leh tura ruahman chu, Mizoram Chief Minister Pu Lal Thanhawla’n Delhi a inhmuh a rawt laiin, khatih laia Assam Chief Minister, Hiteswar Saikia chuan Gauhati-a inhmuh a rawt ve thung a, an thu a inhmuh theih loh avangin inbiakna a kal tluang ta lo a. Hemi hnu hian ramri chingfel tura high level-a inbiakna mumal a awm ta lo tih he zir honaah hian an sawi.
Rami chungchang zirhona hi MPCC Media Department Chairman, Pu Lallianchhunga’n a kaihruai a ni.
