MPCC leh ZPM \angdun, Coordination Committee in vawiinkhan Campaign beihpuithlak hawnna inkhawm Aizawl Vanapa Hall-ah an buatsaih.

0
301
views

He inkhawm hi MPCC Treasurer, Pu H. Liansailova’n a kaihruai a, MP Candidate, Pu Lalhminglova Hmar chuan, ram tan theihtawp chhuah tura penchhuak a ni tih sawiin, amah chu party 2- Congress leh ZPM thlawp ni mah se, tun \uma inthlan an hmachhawn tur chu BJP duhtu leh duh lotute inbeihna tur a nih avangin Party dangte pawhin amah chu an thlawp vek a rin thu a sawi. BJP thlawp leh thlawp loh chungchangah MNF tan insawi fihlim tumna chi a ni lo tih sawiin, Pu Lalhminglova Hmar chuan, MNF BJP chu NEDA le NDA-ah an thawk hova, he thawh hona hi a awm miau avangin MNF chu Central-a BJP a sorkar theih nana beitu an ni tih sawiin, MNF Candidate vote tu chuan BJP a vote tihna a nih avangin mipuite chu an ngaihtuahna fim tak hmang turin a chah a ni.

Mizo mipuite chu tuna an thil inchuh mek hrechiang tura ngenin, BJP chu Citizenship Amendment Bill leh Uniform Civil Code hmanga India ram Hindu lalramasiam tumtu an nih avangin fimkhur a ngai a ni a ti a, MP inthlan chu State Assembly inthlan nen a inang lo tih sawiin, MP-ah chuan Rulling leh Rulling lo an awm chuang lova, Central-a sorkar tur thlanna a nih avangin Mizo mipuite duh loh em em kalpuitu BJP a sorkar loh nan MNF lo lama vote thlak a \ul tih Pu Lalnghinglova Hmar chuan a sawi. MP atan thlan a nih chuan Mizoram tan theihtawp a chhuah tur thu leh Central sorkar nen inzawmna thuk zawk an neih a, \halaite hmasawnnna atan leh kuthnathawktuten ham\hatna tam zawk an neih theih nana \anlak a tum thu a sawi.

Aizawl East I bial Bye Election neih tura mipui Candidate, Pu Lalbuanga Sailo pawhin, inthlan an hmachhawn turah mipuiten an vote hmangin thutlukna an siam dawn tih sawiin, BJP lam \ang an vote tling a nih chuan hnam dangin an hmusit dawn a, BJP lo lam an vote tling a nih erawh chuan an ngaisang thung dawn a, amah chu BJP lo lama \ang tur a nih avangin ram leh hnam \hatna atan vote tling ngei turin mipuite a ngen a. Pu Lalbuanga Sailo chuan, MPCC leh ZPM hotuten ram leh hnam \hatna duhna Party-a an nihna leh Symbol kalsana mipui candidate an siam chu ropui a tih thu sawiin, an inpekna chuan ram tan rah\ha a chhuah ngei a beisei tih a sawi.

He inkhawmah hian MPCC President, Pu Lal Thanhawla bakah ZPM Leader pahnih – Pu Lalduhoma leh Pu Lalhmangaiha Sailo pawhin thu an sawi a ni. ZPM leader, Pu Lalhmangaiha Sailo chuan, nikuma State Assembly inthlan neih zawh takah khan sorkar-na chang ta MNF chuan vote tla zawng zawng a\anga zaa 38.44 an hmu tih sawiin, Congress-in zaa 30.85 leh ZPM-in zaa 22.91 an hmu a, Congress leh ZPM vote belhkhawm chu zaa 53.76 a nih avangin chiarkawp danah chuan an tling dawn niin a sawi. Pu Lal Thanhawla pawhin, ringtute tan Politics chu Pathian rawngbawlna a ni tih sawiin, chhia leh \ha hriatna thiang tak nena kalpui chi a ni, a ti a. Tuna inthlan an hmachhawn tur phei chu sakhua thleng nghawng thei thil a nih avangin ngaihtuah chian a ngai hle tih a sawi a. Pu Lalduhoma pawhin, tun \uma ZPM leh Congress thawk ho mi \henkhatin an sawi hnawm chu thil an hriat chian loh vang nia sawiin, party pahnihte chu ngaihdan leh duh dan hrang hlak nei ni mah se, Mizoram, hnam leh sakhaw humhimna atan loh theih lohna vanga thawk ho an ni tih a sawi.