Hemi chungchang hi BJP Official Website-ah chiang taka tarlan a ni tih sawiin, Mizoram Map pawh BJP rawng hman \hin serthlum rawnga chei a ni a, hetih lai hian MNF President, Pu Zoramthanga’n NDA-a tel anga a sawi \hin ZNP leh MPC-te erawh chu an inhnuhdawh tawh avangin NDA thlawptu zingah hian tarlan an ni ve lo tih a sawi. MNF-in an thlawp tlat BJP hian vawiin khan Lok Sabha inthlanpui neih tura an Manifesto an tlangzarh tih sawiin, Pu Lalsangzuala Hmar chuan, hetah hian Citizenship Amendment Bill chu Pass ngei an tum thu te, CAB aia hlauhawm zawk mah Uniform Vicil Code kalpui an tum thu te, ram danpui Articel 35-a siam\hat a, chumi hmang chuan Pakistan-a Hindu puithiamte chu India-a an duh duha lo pem luh phal a nih bakah sum fai hmanga \anpuina pek te, Ayodhya-a Ram Temple sak an tum thute tarlan a ni tih sawiin, heng hnam tenau zawka tana thil \ha lo hrang hrang kalpui tumtu BJP chu MNF in a thlawp tlatte an nih avangin mipuiten ngaihtuahna fim an hman a \ul hle a ni, a ti.
Pu Lalsangzuala Hmar chuan, inthlan dawna MNf an auhla ber SEDP chu Chief Minister-in a sawiduh tawh lo nia sawiin, sorkar-na an siam hnuah a duangtu Health Minister, Dr. R. Lalthangliana bakin a sawi \ha duh tawh lova, tuna MP thlan dawna sawi leh hnuhnawh chu awlsam taka mipui bum an tumnaah MPCC leh ZPM Joint Publicity Committee chuan a ngai a ni, a ti. MNF kaihhruai Mizoram sorkar chu chhim lam mipuite ngaihthahah puhin, Pu Lalsangzuala Hmar chuan, Lunglei District leh a piam lam zawnga MNF MLA zingah mi 4 chiah dinhmun pawimawha dah an ni chu chhim lam mipui zah lohna lian takah an ngai a, Congress sorkar kha chuan chhim lam MLA 10 zet dinhmun pawimawhah a dah nia sawiin, heng kawng hrang hrang avang hian mipuite \hat tlan zawk nan MPCC leh ZPM Joint Publicity Committee chuan mipui candidate, Pu Lalnghinglova Hmar chu a tlin ngei a pawimawh tih mipuiin hria se an duh thu leh Mizoram, Hnam leh Sakhua a him zel theih nan ngaihtuahna seng turin a sawm a ni.
