MPCC Media Department Chairman, Pu Lallianchhunga’n Chakma Autonomous District Council-a BJP nen an thawhdunna chu an tihtawp thu October ni 29 khan Larsap Kummanam Rajasekharan hnenah hriattir a ni tawh chungin vawiin thlengin ngaihsak a la ni lo niin a sawi.

0
332
views

 

Vawiina Aizawl Press Club-a thuthar lakhawmtute an kawmnaah Pu Lallianchhunga chuan, CADC-a BJP nen an thawhdunna hi tihtawp a nih thu MPCC President, Pu Lal Thanhawla’n October ni 26 khan Congress Bhavan-a inkhawmah a puang tih sawiin, hemi hnu hian lehkha pawimawhte tihfel nghal a ni a, District Council Affairs Department chuan October ni 29 khan he thu hi Larsap hnenah ziakin an thlen tawh niin a sawi a, hemi hma hian BJP leh Congress a\anga Executive member 3 ve ve-in Executive member an nihna a\anga banna Chief Executive member hnenah an thehlut tawh a, heti chung hian CEM, Shanti Jiban Chakma chuan thlawptu MDC pakhat chauh nei chungin vawiin thlengin sorkar a la kaihruai nia sawiin, Chakma Autonomous District Council-ah hian Congress leh BJP thawhdunna chu tihtawp fel tawh a ni tih mipuiten hria se a duh thu MPCC Media Department Chairman chuan a sawi a ni.

Pu Lallianchhunga chuan, kumina Mizoramin Assembly inthlanpui a hmachhawn turah Congress Party chu an sorkar chhunzawm leh ngei dawn niin a sawi a. Mizorama tual\o party zinga tla tawh zingah dingchhuak an awm leh ngai lo nia sawiin, tunah hian MNF chuan thawm nei lian viau mah se, an sorkar dawn chuang lo niin a sawi bawk.