Vawiina Aizawl press Club-a thuthar lakhawmtute an kawmnaah Pu Lallianchhunga chuan, AMC-a contract hna lian reng rengah MNF chuan zaa 10 an la zel niin a sawi a, tender chhuah lova hna tam thei ang ber sem a nih theih nan Board of Councillor \hutkhawm hmasa berah hna reng reng nuai 25 aia tam lo chu tender loh ni se tih an pass nia sawiin, kum 3 kalta chhung khan an duhsak zawng leh party worker hnenah hna sang 4 chuang tender lohvin an pe a, hei hi Financial rules kalh tlat a ni, a ti.
Pu Lallianchhunga chuan, Mizoram inthlanpui hmachhawn tura an inbuatsaihna hrang hranga an mahni thlawptu mi hrang hrang hnenah MPCC chuan lawmthu a sawi tak meuh tih a sawi a. TV leh chanchinbu kaltlanga party hhrang hrangte an inbeihna chu tuman huatthuah la lo se an duh thu a sawi a ni.
