Vawiina Congress Bhavan-a inkhawmah Pu Lal Thanhawla chuan, Congress Party-in kum 10 thuneihna an chan chhung khan MLA leh Minister zingah eiruk vanga hmingchhia an awm lova, mipui zingah sorkar dinglai nin lutukna pawh a awm loh avangin tling nawn leh ngei tura ngaih an ni tih sawiin, phai lam a\anga Intelligence lo kal te pawhin an sorkar nawn leh ngei an ring a ni, a ti a. Hetiang a nih mek lai hian Pulpit a\anga beih an nih tak avangin an tla ta a, an mahni beitute pawh tling lovin Pathian-in MNF kutah thuneihna a hlan ta a. Pathian thu-in a sawi angin, roreltute chu Pathian ruat an ni a, ni \ha lo atan pawh roreltute hi a ruat thova, ni \ha lova roreltu an nih loh nan tuna Sorkar-na chang mektu MNF hotute chuan theihtawp an chhuah a ngai a. Hemi tihlawhtling tur hian hmathlir \ha neih a ngaih thu leh an \an hle a ngaih tur thu a sawi. Pu Lal Thanhawla chuan, MNF kaihhruai sorkar thil tih duh dan chu mak tak tak a awm tih sawiin, Congress Sorkar-in NLUP a pek tawh mi engemawzat MNF sorkar-in a laklet sak chu thil mak a nih tawh laia tun hnaia Chief Ministers’ Housing Scheme dawng tawh laklet sak an ni leh zel chu a mak hle a ni, a ti a. Tlungvel Village Council pawh Congress kaihhruai a nih avangin \hiah an ni a, High Court-a khin a nih hnuah Court-in VC chu an hna chhunzawm tura a tih mek laiin, Sorkar chuan Tlungvel VC chu a \hiat ta tho tho a, hei hi Court thutlukna zah lohna ni thei hiala a hriat thu a sawi.
Chief Minister Pu Zoramthanga’n Congress Party chu Central lama innghat ang leh Central an hotute an tlakchhiat vanga an dinchhuah a harsat tur thu a sawi chu a hriat loh vang a ni tih sawiin, Pu Lal Thanhawla chuan, Mizoram Pradesh Congress Committee chu eng tik lai mahin Central-a an hotute kutah an la innghat ngai lova, an innghatna chu engkim tithei Pathian a ni tih hre tur a duh thu leh Pathian lam \ang Policy kalpuitu an nih avangin \um 5 an sorkar tawh a, tuna sorkar lai thlak tur pawh Congress Party an ni ngei dawn tih a sawi.
He inkhawm hi MPCC Secretary, Pu VF Lalzarliana’n a kaihruai a, an Party zawm tharte Pu Lal Thanhawla hian a lawmlut nghal a ni.
